Чиглэл ХХК-н Ерөнхий захирал Ц. Бумцэнд

Ерөнхий захирлын мэндчилгээ

Бид өдөр тутмын үйл ажиллагаандаа шинэ технологи нэвтрүүлэн шинийг санаачлагч, баялаг бүтээгч, салбартаа тэргүүлэгч байж, чанартай бүтээгдэхүүн, соёлтой үйлчилгээ, бизнесийн ёс зүйгээрээ хэрэглэгч, харилцагч, үйлчлүүлэгчээ дээдлэн эх орныхоо хөгжил цэцэглэлтэд хувь нэмрээ оруулах зорилт тавин ажиллаж байна.

 

Техник технологи хурдтай хөгжиж байгаа энэ үед хүнс, хоол үйлдвэрлэлийн салбарын ажилтан ажиллагсад, жижиг дунд үйлдвэрлэл эрхлэгчид, бизнес эрхлэгч, хэрэглэгчдээ орчин үеийн тоног төхөөрөмж багаж хэрэгслээр тасралтгүй ханган, зарим бүтээгдэхүүнийг үйлдвэрлэж ирсэндээ сэтгэл хангалуун байна.

 

Импортыг орлох 20 гаруй нэр төрлийн бүтээгдэхүүн эх орондоо үйлдвэрлэн гадагшаа гарах мөнгөний урсгалыг багасгах, ажлын байр нэмэгдүүлэх, жижиг дунд үйлдвэрлэлийг хөгжүүлэх, төр засгийн бодлогыг хэрэгжүүлэх, өөрийн брэнд бүтээгдэхүүнтэй болох зэрэг олон талын ач холбогдолтой зорилт тавин ажилласан нь “Чиглэл” компанийн хамт олны их бүтээн байгуулалт, амжилт нь та бидний хамтын бүтээл, сайхан сэтгэлт хамт олны нэгдэл, харилцан итгэлцэл, түншлэлийн үнэ цэнэ, хөдөлмөрийн бүтээмж, мэргэжлийн ур чадвартай салшгүй холбоотой билээ.

 

Бид сүүлийн үеийн технологийг үйлдвэрлэлдээ нэвтрүүлж, тоног төхөөрөмжийн хийц, загвар шинэчлэлт хийж, орчин үеийн технологийн шийдэл бүхий хөдөлмөр хөнгөвчилсөн тоног төхөөрөмж, багаж хэрэгслийг үйлдвэрлэн хүнс, хоол үйлдвэрлэлийн салбарын ажилтнууд, жижиг дунд үйлдвэрлэл, бизнес эрхлэгчид, хэрэглэгчиддээ нийлүүлэхээр төлөвлөж байна.

 

Хөгжил дэвшилд хамтдаа тэмүүлэн яваа найз нөхөд, нийт харилцагч, хэрэглэгч, үйлчлүүлэгч, хамтран зүтгэгч та бүхэндээ энэ хорвоогийн хамгийн сайн сайхан бүхнийг хүсч, “ХАМТЫН ХҮЧЭЭР ХӨГЖЛИЙГ БҮТЭЭЦГЭЭХ” өлзийтэй ерөөлийг өргөн дэвшүүлж байна.

Санал хүсэлт