Цахилгаан холболтыг мэргэжлийн байгууллагын ажилтнаар хийлгэнэ. Тогооч буюу ажиллуулагч хүн нь ашиглалтын болон техникийн аюулгүй ажиллагааны зааварчилгаатай танилцсан байх ёстой. Цахилгааны холболт буюу газардуулгыг мэргэжлийн цахилгаанчнаар хийлгэсэн байх ёстой. Шарах шүүгээг хүчдэлээс салгасан үед цэвэрлэж болно. Тень, духовкны хаалга, газардуулга, удирдлагын самбар зэрэг нь гэмтэлтэй байвал ажиллуулахыг хориглоно. Шарах шүүгээг ажиллаж байхад духовкны хаалгыг онгойлгох, хараа хяналтгүйгээр залгаж орхихыг хориглоно.
 

Шарах шүүгээ нь 380в –ийн хүчдэлээр ажиллах бөгөөд газардуулгын холболтыг заавал холбосон байх. Зуухны дотор талыг базалт хөвөнгөөр доторлосон нь дулаан алдалтыг багасгаж дотор температурыг тогтвортой байлгана. Духовкны дотор талыг цайран листээр доторлосон нь хэт улаан туяаг өндөр байлгаж температурыг нэмэгдүүлдэг. Энэ нь боловсруулж буй бүтээгдэхүүний болцын хугацаа болон цахилгаан зарцуулалтыг үлэмж хэмжээгээр багасгана. Шарах шүүгээг тэжээлд залгасны дараа ажиллуулах духовкыг сонгон тэжээл өгч хэдэн градуст бүтээгдэхүүнийг шарж болгохыг тохируулан температурыг зааж өгнө. Ингэснээр шарах шүүгээнд байрлах тень соронзон пускателаар дамжин цахилгаан дамжуулж ажиллана. Духовкны гадна талаар базалт чулуун хөвөнгөөр ороосон нь дулаан алдалтыг багасгаж, цаг хугацаа, цахилгаан хэмнэх сайн талтай. Бүтээгдэхүүн боловсруулахаас өмнө 5 – 10 минут халаана. Халах температурыг дулаан тохируулгаар тохируулна. Тохируулга нь 50°-400° тохируулдаг.